استغاثه من مواطن ضد محل عصائر بمدينة حلوان .. والسبب كارثه

المشكو في حقه

 

أرسل لنا احد المواطنين استغاثه من احد محلات العصائر، الي بريد صوت المواطن، وهى خدمه مقدمه من شبكة حلوان تتحدث الإخباريه، لتوصيل صوت المواطنين إلي المسئولين وجأت استغاثته كالتالي

 

مساء الخير.. في حاجه حصلت معايا و حابب ابلغ عنها لمباحث التموين و اتصلت بيهم التليفون غير موجود بالخدمه الحاجه دي ان في محل عصائر في شارع منصور بيحط مواد لونها غريب علي عصير القصب من غير ما الزبون ياخد باله،.

 

و لما اكتشفت الموضوع ده ارتبك قوي و وشه اتغير و قالي خلاص هعملك غيره و لما لفتله علشان اعرف هوه حط ايه جوه العصير قبل ميشربهولي او يشربه للناس حاول يمنعني و يحتك بيا،.

 

ولما شفت العلبه الغير ادميه اللي فيها الماده دي بقوله انت بتحطلي ايه قالي يعني هوه سم و حاول يتشاجر معايا الماده لونها شبيه بالبن و اكيد غير صحيه بالمره و خطر علي حياه المواطنين،.

 

خصوصا ان عصير القصب لا يوضع له اي مواد اخري نهائيا و عند اكتشافي للامر قام بدفعي خارج المحل و محاولته للسجار معي و عند تهديده بالابلاغ عنه لمباحث التموين قال لفظيا و لا انت ولا رئيسك تعرفو تقفلوه، وقت ما كان يريد التشاجر معي،.

 

تم تصوير المحل و تصوير من قام باضافه الماده لعصير القصب و سبي و محاولته التشاجر معي،.

 

وده حصل معايا شخصيا الساعه 11.20 مساء و حاولت اتصل بمباحث التموين الرساله الصوتيه بلغتني ان مواعيد العمل من 10 صباحا الي 10 مساء

 

برجاء رفع الامر للجهات المعنيه حتي لا يتأذي المواطنون من مثل هؤلاء المحلات كفا بالناس امراض جنبنا الله و اياكم من شرورهم

 

البائع

عن Omar Reda

اضف رد

This site uses Akismet to reduce spam. Learn how your comment data is processed.